2015/03/29

TRUKARRIAGAKO OROIGARRIA

Batzuetan, udalerriko mendietan ezkutuan, gauza harrigarriak topatzeko aukera egoten da. Bat, Trukarrixako oroigarria da. Ez da erraza bertara joatea, eta zailagoa orientatzea. Astoaga izeneko inguruan dago. 

Dena dela, bertara joan nahi izanez gero, Trukarriagan dagoen elkartera jo beharra dago, eta bertatik hasten den pista laga eta basoan sartu, argazkiak ikusten den monolitoarekin bat egin arte.

 KOKAPENA

Azpiko argazkietan ere hautematen den bezala bitxia da baso erdian dagoen harritzarra, badirudi garai bateko `menhirra´ dela. Bertan kokatu zuten Trukarriagako elkartekoek gurutzea eta gainontzeko plakak.

Antzinakoa da inguru honen aipamena, hala 1635 eta 1638ko agiria baten zera azaltzen da Bergarako udal artxibo historikoan:

"Autos de Andres Perez de Laudans, dueño de la casa de Querexacu, Pedro Garcia de Sagasticaval, dueño de la casa de Sagasticaval y Domingo Garcia de Oruesagasti, dueño de la casa de Oruesagasti, contra el concejo de la villa de Anzuola, sobre la propiedad de la corta de Trecu Arriaga, en el término de Astoaga".

Beraz, `Trecu Arriaga´, `Turkoarriaga´, `Trukarriaga´... bezala ere ezagutu da dokumentuetan inguru hau.


TRUKARRIAGAKO ZELAIAN DAGO PAGO BAKAR HAU. ERREFERENTZIA ONA DA OROIGARRIA TOPATZEKO.






BASOAK NONBAITEN AGINTZEN BADU 
HEMEN DA